Akademi Kreyòl Ayisyen an dèy: Pierre Michel Chéry mouri

Pierre Michel Chéry, defansè pasyone lang kreyòl ayisyen an ak ko-fondatè Akademi Kreyòl Ayisyen (AKA), kite nou 25 me 2024, nan laj 68 an.

Chéry, ki te enfòmatisyen, jesyonè, matematisyen, lengwis ak ekriven, te jwe yon wòl enpòtan nan pwomosyon ak defans lang kreyòl an Ayiti. Li te kontribye nan redaksyon Lwa Kreasyon AKA a epi li te pibliye anpil liv ak atik an kreyòl ayisyen.

Soti nan St Michel, nan sid Ayiti, li te swiv etid nan estatistik ak enfòmatik nan Centre de Formation de Statisticiens et d'Informaticiens (CEFORSI) an 1980, epi nan jesyon afè nan INAGHEI an 1983. An 1994, li te oryante tèt li nan lengwistik nan Fakilte Lengwistik Aplike, epi li te rive fè yon metriz nan teknoloji enfòmasyon an 2002.

Nan mitan pi gwo travay li yo, nou jwenn Eritye Vilokan,

Bèbè Gòlgota,

Senfoni Nago. Angajman li te depase fwontyè ayisyen yo, ak kontribisyon enpòtan nan Réseau Kreyolis Haïtien (Reka) ak International Organization of Creole People (IOCP).

Disparisyon li se yon gwo pèt pou Akademi an ak pou Ayiti, yon peyi li te wè kreyòl kòm yon eleman esansyèl pou devlopman.

Amitiefm rann omaj a memwa lengwis sa a ke kontribisyon li yo te make pwofonman kilti ak lang kreyòl yo.

Fritz Laventure

Radio Amitié 104.7 FM