New York New York, youn nan chèf gang Kwadèboukè a tonbe nan yon echanj kout zam ak lapolis, epi yon zam ak plizyè bal sezi nan Petyon vil

Yon fwa ankò, viktwa se pou lapolis nan batay kont gang ak kriminalite nan peyi Dayiti. Nan yon operasyon ki fè pati estrateji pou mete fen nan aktivite bandi yo, chèf gang byen koni nan komin Kwadèboukè a, ki gen non "New York New York", te rive bwè dlo bouch li nan yon echanj kout zam avèk lapolis madi 2 avril la. Sa fè pati yon seri operasyon PNH la mennen pou konbat krim ki ap mennen pa lapolis Nasyonal Dayiti.

Yon lòt bò, nan menm optik la, nan komin Petyon vil, yon lòt afwontman te fèt ant lapolis ak bandi ame ki fè pati gang Vitelhomme Innocent ap dirije a. Pandan konfrontasyon sa a, polisye Inite Tanporè Anti Gang yo (UTAG) rekipere yon fizi daso ak plizyè katouch. Sa montre angajman ak detèminasyon lapolis pou anpeche aktivite kriminèl yo nan peyi a.

Nan yon kominike pou laprès li bibliye jodi mèkredi 3 avril la, lapolis nasyonal Dayiti pa fè konnen li pa p bay legen. Polisyon yo toujou mobilize epi detèmine pou kontinye batay san kanpe kont gang ame yo. Pi lwen, li ankouraje kolaborasyon popilasyon an pou l ka jwenn siksè nan konba l ap mennen kont kriminalite nan peyi a.

PLR

Radio Amitié 104.7 FM