Ansyen prezidan ameriken an Donald Trump te evakye nan yon meeting kanpay nan Pennsylvani aprè plizyè kout bal te tire nan foul la jodi samdi 13 jiyè a. Nan imaj yo, kandida a pou eleksyon prezidansyèl la t ap manyen zòrèy li, epi te gen san vizib sou bò figi li. Ekip kanpay li a deklare ke li "byen".
Ajan sèviz sekrè yo te kouri Donald Trump ak kò yo pou li pat viktim. Aprè kèk moman, li leve, antoure pa ajan yo ki te akonpaye li soti sou sèn kote li t ap bay diskou a pou antre nan machin li. Pandan li t ap ale, li leve pwen li anlè, pandan sipòtè li yo t ap aklame li.
"Pezidan Trump remèsye fòs lòd yo ak premye entèvenan yo pou aksyon rapid yo pandan zak odye sa a," se sa pòtpawòl li Steven Cheung deklare nan yon kominike, kote li bay garanti milyadè a byen. "Y ap egzamine l nan yon sant medikal lokal", se sa li te asire.
Prezidan Joe Biden te enfòme sou ensidan an, selon sa Mezon Blanch te deklare. Prezidan Chanm Reprezantan yo, Mike Johnson, te ekri sou X li "priye pou M.Trump."
Sa te dènye meeting Donald Trump anvan konvansyon repibliken an kote li dwe ofisyèlman envesti kòm kandida pati repibliken an fas ak prezidan aktyèl demokrat Joe Biden nan eleksyon novanm nan.
PLR
Radio Amitié 104.7 FM
Commentaires